JobsMore.lk | Sri Lanka Jobs, Courses & Career Updates

 இலங்கை நிர்வாக சேவை (SLAS) தரம் III ஆட்சேர்ப்பு: 40 வெற்றிடங்களுக்கான மட்டுப்படுத்தப்பட்ட போட்டிப் பரீட்சை அறிவிப்பு வெளியானது!

இலங்கை நிர்வாக சேவையின் (SLAS) தரம் III இலுள்ள 40 வெற்றிடங்களை மட்டுப்படுத்தப்பட்ட அடிப்படையில் நிரப்புவதற்கான போட்டிப் பரீட்சை தொடர்பான உத்தியோகபூர்வ வர்த்தமானி அறிவித்தலை பொது நிர்வாக, மாகாண சபைகள் மற்றும் உள்ளூராட்சி அமைச்சு வெளியிட்டுள்ளது.

இலங்கை பரீட்சைத் திணைக்களத்தினால் கொழும்பு மாவட்டத்தில் எதிர்வரும் டிசம்பர் மாதம் இப்பரீட்சை நடாத்தப்படவுள்ளது.

விண்ணப்பிக்கும் முறை மற்றும் முக்கிய திகதிகள்:

• விண்ணப்பிக்கும் முறை: இலங்கை பரீட்சைத் திணைக்களத்தின் அதிகாரபூர்வ இணையத்தளத்தின் (www.doenets.lk) ஊடாக ஒன்லைன் (Online) முறையில் மட்டுமே விண்ணப்பங்களைச் சமர்ப்பிக்க முடியும். ஆங்கில மொழியில் மட்டுமே விண்ணப்பப் படிவம் நிரப்பப்பட வேண்டும்.

• விண்ணப்பங்கள் ஆரம்பமாகும் திகதி: 2026 ஆகஸ்ட் 31 ஆம் திகதி மு.ப. 09.00 மணி

• விண்ணப்பிப்பதற்கான இறுதித் திகதி: 2026 செப்டம்பர் 30 ஆம் திகதி பி.ப. 09.00 மணி

• பரீட்சைக் கட்டணம்: ரூபா 1,200/- ஆகும். இதனை கடன்/பற்று அட்டை (Credit/Debit Card) அல்லது இலங்கை வங்கியின் (BOC) ஒன்லைன் வங்கிச் சேவை / நேரடிப் பணம் செலுத்துகை மூலம் செலுத்த முடியும்.

அடிப்படைத் தகைமைகள்:

1. வயது எல்லை: விண்ணப்ப முடிவுத் திகதியன்று (2026.08.28) விண்ணப்பதாரரின் வயது 53 இற்கு மேற்படாதவராக இருத்தல் வேண்டும். (1973.08.28 அன்று அல்லது அதற்குப் பின்னர் பிறந்தவராக இருத்தல் வேண்டும்).

2. கல்வி மற்றும் சேவைத் தகைமை:

   • பல்கலைக்கழக மானியங்கள் ஆணைக்குழுவினால் அங்கீகரிக்கப்பட்ட பல்கலைக்கழகப் பட்டம் மற்றும் அரச / மாகாண அரச சேவையில் நிரந்தர, ஓய்வூதியத் தகைமை கொண்ட (MN-2-2025 அல்லது அதற்கு மேற்பட்ட / SL-1-2025) சம்பளத் திட்டத்தில் குறைந்தது 05 வருடங்கள் திருப்திகரமான சேவைக்காலம்.

     (அல்லது)

   • பட்டம் அற்ற விண்ணப்பதாரர்கள் எனின், மேற்குறிப்பிட்ட சம்பளத் திட்டத்தின் கீழ் குறைந்தது 10 வருடங்கள் திருப்திகரமான சேவைக் காலத்தைப் பூர்த்தி செய்திருத்தல் வேண்டும்.

3. ஏனையவை: அரச சேவையில் தகுதிகாண் காலம் முடிவடைந்து நிரந்தர நியமனம் பெற்றிருப்பதோடு, எவ்வித ஒழுக்காற்றுத் தண்டனைகளும் பெற்றிருக்கக் கூடாது.

4. அனுமதிக்கப்பட்ட தடவைகள்: இப்பரீட்சைக்கு அதிகபட்சமாக 03 தடவைகள் மட்டுமே தோற்ற முடியும்.

பரீட்சைக் கட்டமைப்பு மற்றும் பாடவிதானம்:

இப்பரீட்சை சிங்களம், தமிழ் மற்றும் ஆங்கிலம் ஆகிய மூன்று மொழிகளிலும் நடைபெறும். எழுத்துப் பரீட்சை பின்வரும் 4 வினாத்தாள்களைக் கொண்டிருக்கும்:

1. பொது நுண்ணறிவு (General Intelligence): 100 புள்ளிகள் (1 ½ மணித்தியாலங்கள்) - வெட்டுப்புள்ளி: 50

2. இலங்கையின் சமூக, பொருளாதார, அரசியல் பின்னணியும் உலகளாவிய போக்குகளும்: 100 புள்ளிகள் (3 மணித்தியாலங்கள்) - வெட்டுப்புள்ளி: 50

3. அரசாங்க நிர்வாகம் சார்ந்த பாடம் I (தாபனக் கோவை, PSC விதிகள் மற்றும் நிதிப் பிரமாணங்கள்): 100 புள்ளிகள் (3 மணித்தியாலங்கள்) - வெட்டுப்புள்ளி: 50

4. அரசாங்க நிர்வாகம் சார்ந்த பாடம் II (ஆக்கபூர்வ, பகுப்பாய்வு மற்றும் தொடர்பாடல் திறன்): 100 புள்ளிகள் (3 மணித்தியாலங்கள்) - வெட்டுப்புள்ளி: 50

தெரிவு முறைமை மற்றும் நேர்முகப் பரீட்சை:

எழுத்துப் பரீட்சையின் சகல பாடங்களிலும் 50% இற்கும் அதிகமான புள்ளிகளைப் பெற்று, மொத்தப் புள்ளிகளின் அடிப்படையில் திறமை வரிசையில் முதன்மை பெறும் பரீட்சார்த்திகள் முதற்கட்டமாக பொது நேர்முகப் பரீட்சைக்கு (General Interview) அழைக்கப்படுவர். அங்கு தகைமைகள் சரிபார்க்கப்பட்டதன் பின்னர், 25 புள்ளிகளைக் கொண்ட கட்டமைக்கப்பட்ட நேர்முகப் பரீட்சை (Structured Interview) நடாத்தப்படும்.

எழுத்துப் பரீட்சை மற்றும் கட்டமைக்கப்பட்ட நேர்முகப் பரீட்சை ஆகிய இரண்டிலும் பெறப்படும் மொத்தப் புள்ளிகளின் அடிப்படையில் திறமை வரிசைப்படி இறுதியாக 40 உத்தியோகத்தர்கள் இலங்கை நிர்வாக சேவைக்கு (தரம் III) உள்ளீர்க்கப்படுவர்.