முகாமைத்துவ சேவை திறந்த போட்டிப் பரீட்சை மற்றும் நிர்வாக சேவை மட்டுப்படுத்தப்பட்ட பரீட்சைகளுக்கான வர்த்தமானி
இலங்கை அரச சேவையில் நிலவும் வெற்றிடங்களை நிரப்பும் நோக்கில், பொது நிர்வாக, மாகாண சபைகள் மற்றும் உள்ளூராட்சி அமைச்சு இரண்டு முக்கிய போட்டிப் பரீட்சைகளுக்கான வர்த்தமானி அறிவித்தல்களை உத்தியோகபூர்வமாக வெளியிட்டுள்ளது
பொதுப் பட்டதாரிகள் மற்றும் பாடசாலைக் கல்வியை நிறைவு செய்தவர்களுக்கான முகாமைத்துவ சேவை உத்தியோகத்தர் (MSO) திறந்த போட்டிப் பரீட்சை மற்றும் அரச சேவையில் ஏற்கனவே பணியாற்றும் தகைமை வாய்ந்த உத்தியோகத்தர்களுக்கான இலங்கை நிர்வாக சேவை (SLAS) மட்டுப்படுத்தப்பட்ட போட்டிப் பரீட்சை ஆகிய இரண்டுமே இவ்வாறு அறிவிக்கப்பட்டுள்ளன
1. முகாமைத்துவ சேவை உத்தியோகத்தர் சேவை (MSO) தரம் III - திறந்த போட்டிப் பரீட்சை
பொதுமக்களில் இருந்து நேரடியாக அரச சேவையின் முகாமைத்துவ சேவை உத்தியோகத்தர் பதவிக்கு ஆட்சேர்ப்பு செய்வதற்காக இப்பரீட்சை நடாத்தப்படுகிறது
தகைமைகள்: க.பொ.த. (சா/த) பரீட்சையில் மொழி மற்றும் கணிதம் உட்பட 4 திறமைச் சித்திகளுடன் 6 பாடங்களில் ஒரே அமர்வில் தேர்ச்சி பெற்றிருப்பதோடு, க.பொ.த. (உ/த) பரீட்சையில் (பொதுப் பரீட்சை, பொது ஆங்கிலம் தவிர்ந்த) அனைத்துப் பாடங்களிலும் ஒரே அமர்வில் தேர்ச்சி பெற்றிருத்தல் வேண்டும்
. வயது வரம்பு: 18 வயதுக்கு குறையாமலும் 30 வயதுக்கு மேற்படாமலும் இருக்க வேண்டும்
. விண்ணப்ப முடிவுத் திகதி: 2026 செப்டம்பர் 25 ஆம் திகதி பி.ப. 9.00 மணி
. பரீட்சைக் கட்டணம்: ரூபா 600/-
பரீட்சைத் தன்மை: மொழித்திறன் மற்றும் நுண்ணறிவு (Aptitude) ஆகிய இரண்டு வினாத்தாள்களை உள்ளடக்கியது
.
2. இலங்கை நிர்வாக சேவை (SLAS) தரம் III - மட்டுப்படுத்தப்பட்ட போட்டிப் பரீட்சை
அரச சேவையில் ஏற்கனவே பணியாற்றி வரும் அனுபவமிக்க உத்தியோகத்தர்களை நிர்வாக சேவைக்குள் உள்வாங்கி, 40 வெற்றிடங்களை நிரப்புவதற்காக இப்பரீட்சை நடாத்தப்படுகிறது
தகைமைகள்: அங்கீகரிக்கப்பட்ட பல்கலைக்கழகப் பட்டத்துடன் அரச/மாகாண அரச சேவையில் (குறிப்பிட்ட சம்பளத் திட்டத்தின் கீழ்) 5 வருட சேவைக்காலம் அல்லது பட்டம் இல்லாதிருப்பின் 10 வருட சேவைக்காலத்தைப் பூர்த்தி செய்திருத்தல் அவசியம்
. வயது வரம்பு: அரச பணியாளர்களின் நலனைக் கருத்திற்கொண்டு அதிகபட்ச வயது வரம்பு 53 வரை அனுமதிக்கப்பட்டுள்ளது
. விண்ணப்ப முடிவுத் திகதி: 2026 செப்டம்பர் 30 ஆம் திகதி பி.ப. 9.00 மணி
. பரீட்சைக் கட்டணம்: ரூபா 1,200/-
பரீட்சைத் தன்மை: நுண்ணறிவு, பொது அறிவு ஆகியவற்றுடன் தாபனக் கோவை, நிதிப் பிரமாணங்கள் மற்றும் துறைசார் நிர்வாக வினாத்தாள்கள் அடங்கலாக 4 வினாத்தாள்கள் இடம்பெறும்
.
விண்ணப்பிக்கும் நடைமுறைகள்:
இரண்டு பரீட்சைகளுக்குமான விண்ணப்பங்கள் இலங்கை பரீட்சைத் திணைக்களத்தின் உத்தியோகபூர்வ இணையத்தளமான www.doenets.lk ஊடாக ஒன்லைன் (Online) முறையில் மாத்திரமே ஏற்றுக்கொள்ளப்படும்
இப்பரீட்சைகள் இரண்டும் எதிர்வரும் 2026 டிசம்பர் மாதம் பரீட்சைத் திணைக்களத்தினால் நடாத்தப்படவுள்ளதுடன்