வடக்கு மாகாண சபையில் 20 கூட்டுறவு அபிவிருத்தி உத்தியோகத்தர் வெற்றிடங்கள்

வடக்கு மாகாண சபையில் 20 கூட்டுறவு அபிவிருத்தி உத்தியோகத்தர் வெற்றிடங்கள்: விண்ணப்பங்கள் கோரல்!

வடக்கு மாகாண பொதுச்சேவையின் கூட்டுறவு அபிவிருத்தி உத்தியோகத்தர் தரம் III பதவிக்குரிய 20 வெற்றிடங்களை நிரப்புவதற்காக, திறந்த போட்டிப்பரீட்சை - 2026க்கான விண்ணப்பங்கள் கோரப்பட்டுள்ளன. தகுதியான விண்ணப்பதாரிகள் 2026 செப்டம்பர் 18 ஆம் திகதிக்கு முன்னர் தங்களது விண்ணப்பங்களை பதிவுத் தபாலில் அனுப்பி வைக்குமாறு வடக்கு மாகாண பொதுச்சேவை ஆணைக்குழு அறிவித்துள்ளது.

இப்போட்டிப் பரீட்சையானது 2026 ஒக்ரோபர் மாதமளவில் யாழ்ப்பாணம் (01), வவுனியா (02) மற்றும் கிளிநொச்சி (03) ஆகிய பரீட்சை மையங்களில் நடாத்தப்படவுள்ளது.

முக்கிய விவரங்கள் & சேவை நிபந்தனைகள்

• பதவி: கூட்டுறவு அபிவிருத்தி உத்தியோகத்தர் தரம் III (நிரந்தரமானது மற்றும் ஓய்வூதிய உரித்துடையது).

• சம்பளத் தொகுதி: MN 3-2025 திட்டத்தின் கீழ் ரூபா 52,250 – 10x800 – 11x1,190 – 10x1,320 – 10x1,350 – 100,040/-.

• வயது எல்லை: 18 வயதிற்கு குறையாதவராகவும் 30 வயதிற்கு மேற்படாதவராகவும் இருத்தல் வேண்டும்.

• வதிவிடத் தகைமை: விண்ணப்ப முடிவுத்திகதிக்கு முன்னர் தொடர்ச்சியாக 06 ஆண்டுகளில் ஆகக்குறைந்தது 03 ஆண்டுகள் வடக்கு மாகாணத்தில் நிரந்தர வதிவிடத்தைக் கொண்டிருக்க வேண்டும். அல்லது விண்ணப்பதாரர்/பெற்றோர் வடக்கு மாகாணத்தைப் பிறப்பிடமாகக் கொண்டு தொடர்ச்சியாக 05 ஆண்டுகள் நிரந்தர வதிவிடத்தைக் கொண்டிருக்க வேண்டும்.

கல்வி மற்றும் தொழில்சார் தகைமைகள்

• க.பொ.த (சா/த): ஒரே அமர்வில் தமிழ்/சிங்களம்/ஆங்கிலம், கணிதம் மற்றும் வேறு இரு பாடங்களில் திறமைச் சித்தி (Credit) உட்பட 06 பாடங்களில் சித்தியடைந்திருக்க வேண்டும்.

• க.பொ.த (உ/த): ஒரே அமர்வில் பொருளியல், விவசாயம், இணைந்த கணிதம், கணக்கியல், வணிக புள்ளிவிபரவியல் அல்லது வணிகக் கல்வி ஆகிய பாடங்களில் ஒன்றாவது உள்ளடங்கலாக 03 பாடங்களில் சித்தியடைந்திருக்க வேண்டும்.

• தொழில்சார் தகைமை (ஏதேனும் ஒன்று):

  • NICD பொல்கொல்ல நிறுவனத்தின் டிப்ளோமா அல்லது வடக்கு மாகாண கூட்டுறவுப் பயிற்சி நிறுவனத்தின் உயர் மட்டப் பாடநெறி சித்தி.

  • AAT நிறுவனத்தின் இறுதி மட்டம் (Final Stage) சித்தி.

  • அங்கீகரிக்கப்பட்ட பல்கலைக்கழகம் அல்லது நிறுவனத்தில் கணக்கியல்/முகாமைத்துவ டிப்ளோமா.

  • இலங்கை பட்டயக்கணக்காளர் நிறுவனத்தின் (CASL) இடைநிலைப் பரீட்சை சித்தி.

  • HNDA (04 வருடங்கள்) அல்லது HNDBA (03 வருடங்கள்) டிப்ளோமா சித்தி.

பரீட்சை முறைமை

இப்பரீட்சை தமிழ் மற்றும் சிங்கள மொழி மூலங்களில் நடாத்தப்படும். இரு வினாத்தாள்களைக் கொண்டது (தலா 100 புள்ளிகள்):

1. பொது நுண்ணறிவுத் திறன்: தர்க்கிக்கும் திறன், பகுத்தாய்வு மற்றும் தீர்மானமெடுக்கும் திறனை சோதிக்கும் 50 வினாக்கள் (01 மணித்தியாலம்).

2. பொது அறிவு: அரசியல், சமூக, பொருளாதார, கலாச்சார விடயங்கள் மற்றும் கூட்டுறவுத் தத்துவம்/வணிக அறிவு சார்ந்த 50 வினாக்கள் (01 மணித்தியாலம்).

நேர்முகத் தேர்வுக்குத் தகுதி பெற ஒவ்வொரு பாடத்திலும் குறைந்தபட்சம் 40% புள்ளிகளைப் பெற வேண்டும்.

விண்ணப்பிக்கும் முறை

1. www.np.gov.lk என்ற வடக்கு மாகாண சபையின் இணையத்தளத்தில் விண்ணப்பப் படிவத்தினைத் தரவிறக்கம் செய்ய வேண்டும்.

2. பரீட்சைக் கட்டணமான ரூபா 500/- ஐ வடக்கு மாகாணத்தில் உள்ள ஏதேனும் ஒரு பிரதேச செயலகத்தில் "செயலாளர், மாகாண பொதுச்சேவை ஆணைக்குழு, வடக்கு மாகாணம்" என்ற பெயரில் செலுத்தி, பற்றுச்சீட்டை விண்ணப்பத்தில் ஒட்ட வேண்டும்.

3. பூர்த்தி செய்யப்பட்ட விண்ணப்பப் படிவத்தை 2026.09.18 ஆம் திகதிக்கு முன்னர் பின்வரும் முகவரிக்கு பதிவுத் தபாலில் அனுப்ப வேண்டும்:

   செயலாளர்,

   மாகாண பொதுச்சேவை ஆணைக்குழு,

   இல. 393/48, கோவில் வீதி, நல்லூர், யாழ்ப்பாணம்.

4. கடித உறையின் இடதுபக்க மேல் மூலையில் "NP/07/10/01/235" எனக் குறிப்பிடப்பட வேண்டும்